Pavlodarda býhgalter eki mıllıon teńge urlady degen kúdikke ilindi
PAVLODAR. QazAqparat – Pavlodarda JShS-ine tıesili mıllıon teńgeden astam qarjyny jymqyrǵan 31 jastaǵy turǵyn ustaldy, dep habarlaıdy QazAqparat PD baspasóz qyzmetine silteme jasap.
«Jaýapkershiligi shekteýli seriktestik ıesi basqa elde ketýine baılanysty uıymnyń salyǵyn tóleýge múmkindigi bolmaǵan. Sondyqtan, oǵan uıymnyń bank shotyna túrli fırmalardan qarajat túskenin baqylap, qajet kezde salyq tólep otyratyn adam kerek bolǵan. Osyǵan baılanysty zardap shekken kásipkerge ózi bir jyldan beri tanıtyn býhgalter qyz kómektesýge kelisim bergen. Ekeýara kelisip, oǵan shottyń logıny men qupııa sózin flesh-kartamen birge tapsyrǵan. Ol basqa qalada júrgende fırmanyń shotyna aqshalaı qarajattyń túsken-túspegenin bilip, habar alyp otyrǵan. Biraq tanysy eshqandaı qarajat aýdarylmaǵanyn aıtqan», - delingen baspasóz baıanynda.
Seriktestik ıesi 2019 jyldyń tamyzynda qalaǵa kelip, qyrkúıektiń aıaǵynda bankke barǵan. Onda ol uıymnyń shotyna 2 mln teńge qarajat túskenin, ony «tanysynyń» óz anasynyń shotyna aýdarǵanyn bilgen.
Qazirgi ýaqytta atalǵan fakti boıynsha QR QK 189-baby boıynsha sotqa deıingi tergeý jumystary bastaldy.
