Pavlodarda búgin jol jabylady - feık
PAVLODAR. QazAqparat – Belgisiz bireý WhatsApp-ta 26 naýryz tańǵy saǵat 8-den bastap Pavlodar qalasynyń jabylatyny týraly aqparat taratqan, dep habarlaıdy Polisia.kz.
Polıtsııa departamenti bul málimettiń jalǵan ekenin aıtty.
Qazirgi kezde oblystyq polıtsııa departamenti tótenshe jaǵdaı kezinde qasaqana jalǵan aqparat taratý oqıǵasy boıynsha (QR Qylmystyq kodeksiniń 274-baby) tergeý amaldaryn bastady.
Sondaı-aq, jelide dybystyq habarlamany jazyp, taratqan adamnyń tulǵasyn anyqtaýǵa baǵyttalǵan izdeý sharalary júrgizilýde.
Polıtsııa departamenti turǵyndarǵa tótenshe jaǵdaı kezinde jasalǵan osyndaı áreket úsh jyldan jeti jylǵa deıin bas bostandyǵynan shekteý nemese aıyrý jazasyn bar ekendigin eskertedi.
Osyndaı faktilerdi anyqtaý úshin, polıtseıler kún saıyn áleýmettik jelilerge monıtorıng júrgizip otyr.
