Pavlodarda brakonerler súırik aýlap jatqan jerinen qolǵa tústi
PAVLODAR. QazAqparat – Pavlodar oblysynda barkonerler bekire tuqymdas balyq aýlap jatqan jerinen qolǵa tústi. Bul týraly QazAqparat QR Orman sharýashylyǵy jáne janýarlar álemi komıtetiniń baspasóz qyzmetine silteme jasap habarlaıdy.
«2019 jylǵy 20
tamyzda saǵat tańǵy 5.40-ta Pavlodar oblystyq orman sharýashylyǵy jáne janýarlar
dúnıesi aýmaqtyq ınspektsııasynyń mamandary reıd jumystary barysynda Pavlodar
qalasynyń vokzal mańyndaǵy kólde qala turǵynyn quryqtady. Oqıǵa ornynan aýlaýǵa
tyıym salynǵan bekire tuqymdas súırik balyǵy tabyldy. Zańsyz alynǵan súırik
balyǵynyń jalpy salmaǵy 6,66 kelini qurady. Tergeý jumystaryn júrgizý úshin
oqıǵa ornyna polıtsııa qyzmetkerleri shaqyryldy. 2019 jyldyń basynan Inspektsııa
qyzmetkerleri bekire tuqymdas súırik balyǵyn zańsyz alýdyń úsh faktisin
tirkedi», - dep jazdy komıtettiń baspasóz hatshysy Sáken Dildahmet óziniń Facebook paraqshasynda. 
Onyń aıtýynsha, brakonerlerdiń bul zańsyz áreketinen tabıǵatqa 1 681 650 teńge shyǵyn kelgen. Súırik balyǵy bekire tuqymdasyna jatatyndyqtan, aýlanǵan ár keli úshin 100 aılyq eseptik kórsetkish kóleminde aıyppul taǵaıyndalǵan. Atalmysh fakti boıynsha Qylmystyq Kodekstiń 335 babymen is qozǵaldy.
