Pavlodarda bir top sotqar bala jeti jasar jetkinshekti uryp-soqqan
PAVLODAR. KAZINFORM — Oqıǵanyń beınejazbasy áleýmettik jelide tarady. Vıdeony soqqyǵa jyǵylǵan 7 jasar balanyń anasy jibergeni aıtylǵan.
Anasynyń aıtýynsha, sotqarlar ulyn áýeli úıdiń kireberisinde soqqyǵa jyqqan. Keıin ony aýladaǵy oıyn alańyna alyp shyǵyp, uryp-soǵýlaryn jalǵastyrǵan.
— Jas shamalary 8-12 jasar aralyǵyndaǵy jasóspirimder aýladaǵy balalarǵa tynyshtyq bermeıdi. Balaǵat sóz aıtyp, ıterip jiberedi, kemsitip, uryp-soǵady. Ózge balalardy jabylyp urǵanyna talaı kýá boldyq. Sotqar balalardyń ata-analary eshqandaı shara qoldanbaı otyr, — dep qynjyla jazdy anasy.
Atalǵan vıdeoǵa qatysty Pavlodar oblystyq polıtsııa departamenti málimdeme jasady.
— Kámeletke tolmaǵandar ata-analarymen birge polıtsııaǵa jetkizilgen. Balalaryn tárbıeleýdegi mindetterin tıisinshe oryndamaǵany úshin zańdy ókilderi ákimshilik jaýapkershilikke tartyldy. Іs materıaldary sotqa jiberildi, sot sheshimi boıynsha olar Pavlodar qalasy ákimdiginiń kámeletke tolmaǵandar isi jáne olardyń quqyqtaryn qorǵaý komıssııasyna joldanady, — delingen polıtsııa habarlamasynda.
Eske sala keteıik, Pavlodarda er adam áıeli men qyzyn uryp-soǵyp, polıtsııa qyzmetkerin jaralady.