Pavlodarda bir top búldirshin balabaqshada ushynyp, aýrýhanaǵa túsken

PAVLODAR. KAZINFORM — Oqıǵaǵa baılanysty jergilikti sanıtarlyq-epıdemıologııalyq baqylaý basqarmasy tekserý júrgizip jatyr. Aldyn ala boljam boıynsha, balalar tamaqtan ýlanýy múmkin.

Pavlodar oblysy Sharbaqty aýdanyndaǵy bóbekter baqshasynyń bir top tárbıelenýshisi oblystyq juqpaly aýrýlar aýrýhanasynda em qabyldaǵany anyqtaldy. Áleýmettik jelide balalardyń tamaqtan ýlanýy múmkin ekeni aıtylyp jatyr. 

— 2025 jylǵy 7 qarashada «Baldáýren» bóbekter baqshasynyń úsh tárbıelenýshisi Pavlodar oblystyq juqpaly aýrýlar aýrýhanasyna jatqyzyldy. Taǵy tórt bala úı jaǵdaıynda baqylaýda boldy. Atalǵan derek boıynsha «Sharbaqty aýdandyq sanıtarlyq-epıdemıologııalyq baqylaý basqarmasy» RMM tekserý bastady. Balabaqshadan synamalar alynyp, qajetti zerthanalyq zertteýler júrgizildi. Resmı aqparat tekserý nátıjelerinen keıin beriledi, — dep habarlady óńirlik bilim berý basqarmasynan.

Oblystyq balalar aýrýhanasynyń baspasóz qyzmeti úsh balanyń juqpaly aýrýlar bólimshesinde em qabyldaǵanyn rastady. Biraq dıagnozdary týraly aqparat berýden bas tartty. Búldirshinderdiń barlyǵy búginde jazylyp, úılerine qaıtarylǵan.

Buǵan deıin Arqalyqtaǵy jappaı ýlanýdyń sebebi anyqtalǵany týraly jazǵanbyz.