Pavlodarda bosanýdyń shamamen 47-48 paıyzy asqynýlarmen ótedi
PAVLODAR. QazAqparat - Pavlodarda árbir ekinshi bosaný asqynýlarmen ótedi, ondaı áıelderge túrli aldyn alý sharalary qabyldanady, dep habarlaıdy QazAqparat.
Aımaqtaǵy densaýlyq saqtaý basqarma basshysynyń orynbasary Gúlnar Býrataevanyń málimetinshe, bosanýdyń shamamen 47-48 paıyzy asqynýlarmen ótedi.
«ıAǵnı, belgili bir aýrý, mysaly, anemııa bolsa, ol qalypty bosanýdy kúte almaıdy. Biz mundaı áıeldi júktilik kezinde de, bosaný kezinde de baıqaımyz», - dedi spıker ÓKQ baspasóz brıfınginde.
Onyń aıtýynsha, olarǵa túrli aldyn alý sharalary qabyldanady. Júktilik kezinde áıel úsh skrınıngten ótedi. Ony konsılıým da baqylaıdy. Eger júkti áıeldiń densaýlyǵynda normaǵa sáıkes kelmeıtin aqaýlar anyqtalsa, júktilikti toqtatý týraly sheshim qabyldanady.
Júktilik kezinde dıagnoz qoıý qıyn bolatyn aqaýlardyń túri bar. Olarǵa týǵannan keıin dıagnoz qoıylady.
«Biz týa bitken aqaýlardy jaqsy dıagnostıkalaý úshin Kazan qalasynda dárigerlerimizdi oqytýdy sheshtik», - dedi basqarma basshysynyń orynbasary.
Aıta keteıik, 2022 jyldyń basynan beri óńirde 24 náreste ólimi tirkeldi.
