Pavlodarda bosanyp qalǵan 12 jasar oqýshy sabaǵyn jalǵastyrady

ASTANA. KAZINFORM – Pavlodarda dúnıege sábı ákelgen 12 jasar oqýshy qyz sabaǵyn jalǵastyrady. Bul týraly Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova aıtty.

Eske sala keteıik, taıaýda Pavlodar oblysynda 12 jasar oqýshy qyz týysynan júkti bolyp, bosanǵan edi.

«Pavlodarda 12 jasar qyzdyń bosaný oqıǵasy - óte sırek kezdesetin jaıt. Bul ashyndyratyn ári alańdatarlyq oqıǵa ekendigi sózsiz. Faktini mektep pedagogtary baıqap, birden áreket jasaǵan. Psıhologııalyq, medıtsınalyq qyzmetter jumyldyrylǵan. Qylmystyq is qozǵalǵan. Oqıǵa qyzdyń úıinde kámeletke jasy tolmaǵan jaqyn týysymen arada bolǵan», - dedi komıtet tóraǵasy Ortalyq kommýnıkatsııalar qyzmetindegi brıfıngte.

Onyń aıtýynsha, mektep oqýshysyn zorlaǵan jasóspirim psıhıatrııalyq aýrýhanada jatyr.

Naqty saraptamalar júrgizilýde.

«Bul jaıt bala quqyqtaryn qorǵaý komıtetiniń baqylaýynda tur. Oqýshy qyz sabaǵyn jalǵastyratyny sózsiz. Psıhologııalyq jáne pedagogıkalyq ta kómek kórsetiledi. Balalardyń bilim alý quqyǵy Konstıtýtsııamen qorǵalǵan», - dedi Nasymjan Ospanova.