Pavlodarda boranda mal izdeýge shyqqan er adam úsikke urynyp, kóz jumdy
PAVLODAR. KAZINFORM - Óńirlik tótenshe jaǵdaılar departamentiniń málimetinshe, 1980 jylǵy er adam Baıanaýyl aýdany Maıqaıyn kenti aýmaǵyndaǵy «Alpys» sharýa qojalyǵynda malshy bolyp jumys istegen. Marqum tańerteń óli kúıinde tabyldy.
1980 jyly týǵan er adam 10 naýryz kúni kúndiz jalǵyz ózi mal izdeýge shyqqan. Sol sátte óńirde qatty boran bastalǵan.
- Er adam adasyp ketken. Tótenshe jaǵdaılar departamentiniń qyzmetkerleri jergilikti atqarýshy organdarmen birlesip, búgin tańǵy saǵat 8-de onyń denesin fermadan 2 shaqyrym qashyqtyqtan tapty, - dep habarlady Pavlodar oblysynyń Tótenshe jaǵdaılar departamentinen.
Eske sala keteıik, ótken táýlikte aýa raıynyń qolaısyzdyǵynan Pavlodar oblysynda birneshe jol-kólik oqıǵasy tirkelip, Baıanaýyl aýdany jaryqsyz qaldy.
Al daýyl saldarynan Aqsý ferroqorytpa zaýytynda murjanyń bir bóligi qulap tústi.
