Pavlodarda «bomba qoıylǵan» ǵımarattan 7 adam evakýatsııalandy
PAVLODAR. QazAqparat – Oqıǵa ornyna shyqqan jedel-tergeý toby ǵımarat aýmaǵyn qorshaýǵa alyp, jeti adamdy evakýatsııalady, dep habarlaıdy QazAqparat tilshisi.
16 qarasha kúni saǵat 10.10-de Pavlodar qalasynyń polıtsııasyna «Sátpaev kóshesi, 25/1 mekenjaıyndaǵy ǵımarat kez kelgen mınýtta jarylýy múmkin» degen habarlama kelip túsken. Bul jaıynda jýrnalısterge Pavlodar oblysy polıtsııa departamentiniń baspasóz qyzmeti málim etti.
Osy dabyl boıynsha oqıǵa ornyna jedel-tergeý toby shyǵyp, ǵımaratty qorshaýǵa aldy.
Óńirlik PD málimetinshe, jeti adam evakýatsııalandy.
«Ǵımarat jáne irgeles jatqan aýmaq tekserilip, kúdikti nemese jarylǵysh zattar tabylǵan joq, qońyraý jalǵan bolyp shyqty», – dedi aqparat kózi.
Polıtsııa qyzmetkerleri az ýaqytta kúdiktini anyqtady.
«Ol Pavlodar oblystyq psıhonevrologııalyq dıspanserinde esepte turǵan 41 jastaǵy jergilikti turǵyn bolyp shyqty» dep habarlady quqyq qorǵaý organdarynda.
