Pavlodarda «bomba qoıyldy» dep jalǵan habar berýshi ustaldy
ASTANA. QazAqparat - 15 qańtarda Pavlodar polıtsııasyna Qataev kóshesi boıynsha úılerdiń birine bomba qoıylǵany týraly habarlama tústi, dep habarlady ІІD-niń baspasóz qyzmeti.
Atalǵan jerge qalanyń arnaıy qyzmetteri jedel jetken. Saperler páterdi tekserip eshqandaı jarylǵysh zat tappaǵan.
Polıtseıler qońyraý shalǵan adamnyń kim ekenin anyqtap, ustady. Ol buryn qylmystyq jaýapkershilikke tartylǵan 39 jastaǵy jergilikti turǵyn bolyp shyqty.
Er adam kórshileri kelip, birge ishimdik ishken. Birazdan soń olar peterlerine ketedi de, keri qaıtyp keledi. Olar kilttiń ishte qalǵanyn, úıdegi shesheleriniń qulaǵy estimeıtindikten ishke kire almaǵanyn aıtady. Aıyptalýshy «102» nómirine qońyraý shalyp, polıtseılerdi shaqyrýdy usynady. Sóıtip ózi polıtsııaǵa habarlasyp, «páterde bomba qoıylǵan» dep habarlaǵan.
