Pavlodarda blokpostty aınalyp ótpek bolǵan júrgizýshi ustaldy
PAVLODAR. QazAqparat – Pavlodarlyq 35 jastaǵy azamat Volkswagen Golf kóligine úsh jolaýshyny mingizip, Semeıge ótpek boldy, dep habarlaıdy pavlodarnews.kz.
Alaıda blokpostta polıtseıler kólikti ótkizbeı, oblys turǵyndaryna tótenshe jaǵdaı kezinden aımaq syrtyna shyǵýǵa tyıym salynǵanyn túsindirdi. Er adam buǵan kónbeı, Shyǵys Qazaqstan oblysy baǵytyna dala jolymen aınalyp shyqqan. Polıtseıler tártip buzýshyny ustady. Pavlodar oblysy aýmaǵyna kirý jáne shyǵý rejimin buzǵan er adamǵa qatysty QR Quqyq buzýshylyqtar týraly kodekstiń 476-baby boıynsha ákimshilik is qozǵalyp, sot qaýlysymen ol bes táýlikke qamaýǵa alyndy», - dep málimdedi polıtsııada.
1 sáýirden bastap aımaq perımetri boıynsha tórt qosymsha blokpost jumys isteı bastady. Olar oblysta koronavırýs ınfektsııasynyń taralýyna jol bermeý maqsatynda ornatylǵan.
Oblys turǵyndary TJ rejimin 166 ret buzǵan, 35 tártip buzýshy ustaldy, 96 adamǵa aıyppul salyndy.
