Pavlodarda bıznesmennen 100 mln teńge bopsalaǵandarǵa úkim shyqty
ASTANA. QazAqparat - Pavlodar oblystyq qylmystyq ister boıynsha mamandandyrylǵan aýdanaralyq sotynda ekibastuzdyq kásipkerden 100 mln teńge bopsalaǵan alty reseılik pen bir Qazaqstan azamatyna úkim shyqty, dep jazady pavlodarnews.kz.
Olarǵa QR QK 194-baby 4-bóligi (qorqytyp alý) jáne QR QK 287-baby 3-bóligi (qarýdy zańsyz ıemdený nemese saqtaý) boıynsha aıyp taǵylýda.
Sot úkimi shyǵarylǵan kezde kúdiktiler tergeý ızolıatorynda boldy, olar úkimdi veb-baılanyspen tyńdady. Sot qazaqstandyqty eki bap boıynsha aıypty dep tanyp, toǵyz jylǵa, al reseılikterdi iri kólemde aqsha bopsalaǵandary úshin segiz jylǵa sottady.
«Jeteýi de qaýipsizdigi joǵary qylmystyq-atqarý júıesinde jazasyn óteıtin bolady», - dep úkimdi oqydy sýdıa Qudabaı Sultanov.
Sot barlyq azamattardy protsessýaldyq shyǵyndar úshin 304 myń teńgeden tóleýge mindettedi. Sebebi, tildik kedergiler men qujattardy sottalýshylardyń ana tilderine aýdarý úshin júrgizilgen saraptamalardyń saldarynan tergeý barysy eki jylǵa sozylǵan.
Eske salaıyq, alǵashqy sot isi bıyl aqpanda bastaldy. Reseı Federatsııasynyń - Kavkaz týmalary men Qazaqstan azamaty ekibastuzdyq bıznesmennen 100 mln teńge bopsalady degen kúdikke ilingen.
