Pavlodarda bızneske orynsyz aralasqan sheneýnikter jaýapqa tartyldy
«Memlekettik organdardyń úsh qyzmetkerine sógis jarııalandy. «Protecting Business and Investments» front-keńsesi ınvestordyń zańdy quqyqtaryn qorǵap qaldy», - deıdi Memlekettik qyzmet isteri jáne sybaılas jemqorlyqqa qarsy is-qımyl agenttigi Pavlodar oblysy boıynsha departamentiniń basqarma basshysy Nazymbek Bekjanov.
Vedomstvonyń derekterine súıensek, memlekettik qyzmetshiler «Burjýı» JShS qyzmetine aralasqan. Kompanııa dırektory jeke ıeligindegi jerde ornalasqan saýda pavılonyn buzýǵa áreket jasalyp jatqanyn aıtyp, front-keńsege júgingen.
«Oblystyq departament ınvestordyń ótinishi boıynsha tekseris júrgizip, zańnama talaptarynyń buzylǵanyn anyqtady. Onyń nátıjeleri boıynsha, Pavlodar qalasynyń ákimine kináli laýazymdy tulǵalardy tártiptik jaýapqa tartý týraly usynys engizildi», - dep málimdedi departament ókilderi.
Sonymen qatar Pavlodarda ınvestorlardyń somasy 100 mıllıon teńge bolatyn zańdy múddeleri men quqyqtary qorǵaldy. «Pavlodar Qus» JShS basshylyǵy somasy bir jarym mıllıard teńge ınvestıtsııalyq jobasyn sybaılas jemqorlyqtan qorǵaý týraly kelisimge qol qoıǵan. Joba boıynsha jumystar 2016 jyly bastalǵan, aıaqtalý merzimi - 2020 jyl.
«JShS sýbsıdııalardyń keshigýine baılanysty qıyndyqtarǵa kezikken», - dep málimdedi vedomstvonyń baspasóz qyzmeti.
Nátıjesinde, departamenttiń front-keńsesiniń aralasýymen Pavlodar oblysynyń Aýyl sharýashylyǵy basqarmasy 2018 jyly jumyrtqa óndirý qunyn arzandatý úshin shamamen 110 mıllıon teńge sýbsıdııa bóldi.