Pavlodarda bıznes seriktesin óltirgen kúdikti Reseı aýmaǵynda ustaldy
ASTANA. KAZINFORM — Kisi óltirý faktisi boıynsha QR Qylmystyq kodeksiniń 99-baby boıynsha aldyn ala tergeý bastaldy, dep habarlaıdy Pavlodar oblysynyń prokýratýrasy.
Pavlodar oblysy prokýratýrasynyń úılestirýimen Reseı Federatsııanyń Krasnoıarsk ólkesiniń Sharypovo qalasynda Qazaqstannyń azamaty, bıznes seriktesin óltirgeni úshin kúdikti retinde jedel izdestirý sharalary barysynda ustaldy.
— Qazir kisi óltirý faktisi boıynsha QR Qylmystyq kodeksiniń 99-baby boıynsha aldyn ala tergeý bastaldy. Qazirgi ýaqytta prokýratýra kúdiktini Qazaqstan Respýblıkasyna ekstradıtsııalaý úshin sharalar qabyldap jatyr. Bul qylmys úshin 15 jylǵa deıin bas bostandyǵynan aıyrý jazasy qarastyrylǵan, — delingen vedomstvo taratqan aqparatta.
Eske salsaq, bıylǵy jyldyń aqpan aıynda polıtsııa qyzmetkerleri jedel-izdestirý sharalaryn júrgizý barysynda Pavlodar qalasyndaǵy úılerdiń biriniń aýlasynda kásipkerdiń máıitin tapqany habarlanǵan edi.
Buǵan deıin Pavlodar oblysynda QTJ qyzmetkeri esirtki taratýmen aınalysqany belgili boldy.