Pavlodarda birneshe kóliktiń soqtyǵysýyna kináli júrgizýshige aıyppul salyndy
PAVLODAR. QazAqparat - Pavlodarda gaz ben tejegishti shatastyryp alǵan jigittiń kesirinen birneshe kólik soqtyǵysqan. 19 jastaǵy júrgizýshige 58 myń teńgeden astam aıyppul salyndy, dep habarlaıdy QazAqparat Pavlodarnews.kz saıtyna silteme jasap.
16 tamyzynda saǵat 15:45 shamasynda oblys ortalyǵynda bolǵan jol apatynan tórt kólik zaqymdaldy.
Jas jigit Jaguar s-Type kóligimen Lermontov kóshesimen kele jatyp, 119-shy úıge qarama-qarsy qaýipsiz qashyqtyqty saqtamaı, Toyota Camry-ge soǵylǵan.
Soqqydan sedan Audi B4-ke, al ol Acura MDX krossoverimen soqtyǵysqan.
Jol-kólik oqıǵasy boıynsha qalanyń 19 jastaǵy turǵynyna qatysty isti ákimshilik quqyq buzýshylyq boıynsha mamandandyrylǵan sot qarady.
- Quqyq buzýshy kinásin tolyq moıyndady, jasaǵan isine ókinip, gaz jáne tejegish pedaldaryn shatastyryp alǵanyn túsindirdi, - dep habarlady sottyń baspasóz qyzmetinde. Ol ÁQBtK-niń 610-babynyń 1-bóligi boıynsha kináli dep tanylyp, memleket kirisine 58 340 teńge mólsherinde ákimshilik aıyppul túrinde jaza taǵaıyndaldy.
Sot qaýlysy zańdy kúshine engen joq.
