Pavlodarda birinshi synypqa 7 myńnan astam bala barady
PAVLODAR. QazAqparat - 2019 jylǵa Pavlodar qalasynyń bilim berý salasyna 18,0 mlrd teńge bólindi. Qala mektepteri jańa oqý jylyna tolyǵymen daıyn, dep habarlaıdy QazAqparat pavlodarnews.kz saıtyna silteme jasap.
«Sońǵy 5 jylda qarjylandyrý 43% artty. Qalada apatty jáne úsh aýysymda oqytatyn mektepter joq. Oqý jylynyń basyna jalpy somasy 283,0 mln teńgege 14 mekemege kúrdeli jóndeý júrgizildi. Basty máselelerdiń biri – sý berý, shatyr, jylý jáne energııamen qamtamasyz etý, káriz júıesi, qorshaý, jylytý. 7 mektepti jańa modıfıkatsııaly kabınettermen jaraqtandyrýǵa jáne oqý-tájirıbelik keshenniń materıaldyq-tehnıkalyq bazasyn jańǵyrtýǵa 60,8 mln teńge bólindi», - delingen qalalyq bilim berý bóliminiń málimetinde.
Qala mektepteri oqýshylarynyń kontıngenti ótken oqý jylymen salystyrǵanda 2 myńnan astam balaǵa ulǵaıyp, 43,0 myńnan astam oqýshyny qurady.
Jyl saıyn 1-synypqa baratyn balalardyń sany artýda. Bıyl 7 myńnan astam oqýshy mektep tabaldyryǵyn alǵash attaıdy. Bul ótken oqý jylyna qaraǵanda 2 myńǵa kóp.
