Pavlodarda bir jasar sábı shelektegi sýǵa tunshyǵyp óle jazdady

PAVLODAR. QazAqparat – Pavlodarlyq dárigerler shelektegi sýǵa batyp kete jazdaǵan balanyń ómirin saqtap qaldy. Bul týraly oblystyq balalar aýrýhanasynan málim etti, dep habarlaıdy QazAqparat Pavlodarnews.kz-ke silteme jasap.

Bala qazir ol aýrýhanada jatyr.

«2022 jyly týǵan qyzdy 10 sáýir kúni oblystaǵy aýdandardyń birinen sanıtarlyq avıatsııamen jetkizdi», - dep naqtylady aýrýhanadan.

Dárigerler onyń jaǵdaıyn turaqty dep baǵalap otyr. Kishkentaı qyz somatıkalyq bólimde em alýda.

Esterińizge sala keteıik, 2022 jyldyń aqpan aıynda bir shelek sýǵa batyp ketken sábı kóz jumǵan bolatyn.