Pavlodarda bir jasar sábı men 92 jastaǵy aqsaqal koronavırýs juqtyrdy
PAVLODAR. QazAqparat - Búgin Pavlodar oblysynda 35 adamnyń koronavırýs juqtyrǵany belgili boldy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.
COVID-19 on eki áıel men on bes erkekten, 3 kishkentaı qyz ben 5 ul baladan tabylǵan.
35 naýqastyń ishinde 31 adam - Pavlodar qalasynyń turǵyndary, ekeýi - Ekibastuzdan, taǵy ekeýi - Sharbaqty aýdanynyń turǵyndary. Keıbireýleri - bir otbasynyń músheleri.
Syrqattardyń dene qyzýy kóterilip, tyrnys alýy qıyndaǵan, jótel men álsizdik qysqan. Tamaqqa tábeti tómendegen.
12 jasar balaǵa naqtylanbaǵan ınfektsııalyq emes gastroenterıt jáne kolıt dıagnozy qoıylǵan.
51 jastaǵy áıel Almatydan ushyp kelgen. Aýyra bastaǵanda PTR testileýden ótip, vırýs juqtyrǵany belgili boldy.
92 jastaǵy patsıentke pnevmonııa dıagnozy qoıyldy. Qarııa birneshe jyldan beri arterıaldy gıpertenzııa, dıstsırkýlıatorly entsefalopatııa, tserebraldy ateroskleroz aýrýlarymen esepte tur. Ekinshi top múgedegi.
On naýqas buryn aýyrǵandarmen baılanysta bolǵan.
Syrqattar Pavlodar men Ekibastuzdyń ınfektsııalyq statsıonarlaryna jatqyzyldy. Jaǵdaılary birqalypty.
Aıta keteıik, óńirde 33 adamnan koronavırýs ınfektsııasy tabylǵan.
