Pavlodarda bir úıdiń úsh qyzyn sýdan qutqarǵan polıtseı marapattaldy
PAVLODAR. QazAqparat – Pavlodarda bir úıdiń úsh qyzyn sýdan qutqarǵan polıtseı marapattaldy, dep habarlaıdy QazAqparat pavlodarnews.kz silteme jasap.
Oblystyq polıtsııa departamenti baspasóz qyzmetiniń málimetinshe, Aqqýly aýdany PB kezekshi bóliminiń aǵa ınspektory Ǵalymbek Jumabaev qol saǵatymen marapattalǵan.
«Polıtseıge syılyqty tabys etken departament bastyǵynyń mindetin atqarýshy Jasqaırat Qaıyrov batyldyq áreketi úshin polıtseıge óz alǵysyn bildirip, qyzmettik mindetterin ári qaraı abyroımen atqarýǵa shaqyrdy», - delingen habarlamada.
Eske sala keteıik, bıylǵy jylǵy shilde aıynda ınspektor Ǵalymbek Jumabaev úsh ápkeli-sińlili qyzdardy Ertis ózeniniń ortasyna qaraı qatty aǵys sýy áketip bara jatqan jerinen qutqaryp alyp qalǵan bolatyn. Polıtseı esh oılanbastan sýǵa bata jazdaǵan qyzdarǵa qaraı maltyp, olarǵa jaǵaǵa shyǵýǵa kómektesti. Qyzdar Aqqýly aýylynyń turǵyndary, 1996, 1999 jáne 2002 jyly týǵan ápkeli-sińliler.
