Pavlodarda bir túnde úsh avtosalondy tonap ketken
PAVLODAR. QazAqparat - Pavlodarda avtosalondardan urlyq jasaǵan 37 jastaǵy er adam ustaldy, dep habarlaıdy pavlodarnews.kz.
«Qolǵa túsken azamat bir túnniń ishinde úsh ret urlyq jasap, akkýmýlıatorlardy qoldy qylǵan. Ol túngi mezgilde avtokólikterdiń esigin syndyryp, qylmystyq áreket jasaǵan», - dedi oblystyq ІІD-niń baspasóz qyzmetinde. Atalmysh fakti boıynsha QR QK-niń 188-baby boıynsha sotqa deıin tergeý júrgizý amaldary jalǵasýda. Polıtseıler qaraqshylardyń qurbany bolǵan jaǵdaıda jedel tergeý toby kelgenge deıin salonǵa otyrýǵa jáne avtokólikke qolmen soqtyqpaýǵa keńes beredi. Eger de jazba jáne beınetirkeý bolsa, mindetti túrde quqyq qorǵaý organdarynyń ókiline habarlasqan jón.
Aıta keterligi, buǵan deıin polıtseıler Tolstoı kóshesindegi úıdiń aýlasynda kóliktiń otaldyrý tetiginde kiltti qaldyryp ketip, úıde jaıbaraqat otyra bergen mashına ıesin de anyqtaǵan.
