Pavlodarda bir mezette 1500 jetkinshek bı bıledi
ASTANA. QazAqparat - Densaýlyq kúnine oraı Pavlodarda «Sport - Men - Kóktem» aktsııasy sheńberinde uıymdastyrylǵan fleshmobta bir mezette balabaqshanyń 1500 tárıelenýshisi men olardyń ata-analary bı bıledi.
Merekelik shara Estaı atyndaǵy mádenıet saraıynda bastaldy, dep habarlaıdy pavlodarnews.kz . Munda 10 balabaqshanyń 400-den asa tárbıelenýshisi men olardyń 200-ge tarta ata-anasy bı bıledi. Dál osyndaı aýqymdy shara J.Aımaýytov atyndaǵy oblystyq qazaq mýzykaly drama teatrynda da ótti.
«Densaýlyq kúnine oraı qaladaǵy barlyq balabaqshalarda merekelik sharalar uıymdastyrylýda. Estaı mádenıet saraıyna tórt pen jeti jas arasyndaǵy №4,№18, №51, №35, №21 ,№38, №33, №40, №8, №78 balabaqshalardyń jetkinshekteri ata-analarymen kelip otyr. Daıyndyq jumystary eki apta boıy júrgizildi», - dedi №4 balabaqshanyń meńgerýshisi Aınagúl Nurpeıisova.
«Men óskende bıshi bolǵandy armandaımyn. Bı-bılep jeńiske jetip, elimdi qýantamyn, - deıdi qazaq tilinde №33 balabaqshanyń tárbıelenýshisi Evelına Býrtseva.
