Pavlodarda bir kúnde birneshe jol-kólik oqıǵasy boldy
PAVLODAR. QazAqparat - Bir táýlik ishinde Pavlodardyń birinshi qalalyq aýrýhanasyna jol-kólik oqıǵalarynda zardap shekken alty adam jetkizildi. Bul týraly oblystyq densaýlyq saqtaý basqarmasynyń baspasóz qyzmeti málim etti, dep habarlaıdy pavlodarnews.kz.
«Birinshi jol-kólik oqıǵasy Jetekshi aýyly mańyndaǵy tas jolda saǵat 8:15-te bolǵan. Oqıǵa ornynan 49, 33 jáne 27 jasar er adamdar aýrýhanaǵa jetkizilip, zardap shegýshilerde bas súıek-mı zaqymy, keýde soǵylýy men mı shaıqalýy anyqtalǵan. JKO ornyna apattyq medıtsınasy ortalyǵynyń brıgadasy bardy. Ekinshi oqıǵa Úlken aınalma jol men Sývorov kósheleriniń qıylysynda 9:18-de tirkeldi. Bas súıek-mı zaqymy, mı shaıqalý men bas terisiniń zaqymy dıagnozymen 68 jasar er adam aýrýhanaǵa jetkizildi», - dep habarlady densaýlyq saqtaý basqarmasynyń baspasóz hatshysy Elmıra Temirǵalıeva.
Baspasóz hatshysy jetkizgendeı, qala kóshelerinde keshki ýaqytta taǵy eki kólik apaty oryn aldy. Sonyń biri birinshi qalalyq aýrýhana mańynda 18:07-de boldy. Saldarynan ártúrli jaraqattarmen 76 jasar áje aýrýhanaǵa tústi.
Áleýmettik jelilerge apat týraly fotosýretterdi júktegen oqıǵa kýágerleriniń sózine qaraǵanda, zardap shekken ájeni joldan jaıaý júrginshiler syzyǵymen ótip bara jatqan. Taǵy bir jol-kólik oqıǵasy Táýelsizdik dańǵyly men Tolstoı kósheleriniń qıylysynda boldy. Saldarynan basyna túsken jaraqattarmen 30 jasar kelinshek aýrýhanaǵa jetkizildi.
