Pavlodarda bıyl ekinshi márte úshem dúnıege keldi
PAVLODAR. KAZINFORM - Nárestelerge Elnara, Elnııar jáne Eldııar degen esimder berildi. Qazirgi ýaqytta anasy men sábılerdiń densaýlyǵy jaqsy, jaǵdaılary turaqty.
Pavlodar aýdanyna qarasty Kemeńger aýylynda turatyn kópbalaly otbasy Ermek pen Eldana Túsipbekovterdiń shańyraǵynda úshem ómirge keldi. Osylaısha, otbasynda balalar sany jetige jetip, anasy «Altyn alqa» ıegeri atanbaqshy.
- Sábıler ómirge kelgenge deıin Ermek pen Eldana tórt bala – úsh ul men bir qyz tárbıelep otyrǵan. Jubaılar kezekti júktilik tabıǵı jolmen bolǵanyn jáne taǵy bir qyz balany josparlaǵanyn aıtady. Qýanyshtaryna oraı, otbasy birden bir qyz pen eki ulmen tolyqty, - dep habarlady óńirlik densaýlyq saqtaý basqarmasynan.
Bul shańyraqtyń ózindik erekshe dástúri de bar: barlyq balalardyń esimderi «E» árpinen bastalady. Jańa týǵan sábılerge de dástúr boıynsha Elnara, Elnııar jáne Eldııar degen esimder berilgen.
Aıta ketý kerek, bul – Pavlodar oblysynda jyl basynan beri dúnıege kelgen ekinshi úshem. Bıylǵy 23 shildede óńirde alǵashqy úshem týǵan bolatyn.
Bul aımaqta týý kórsetkishiniń artyp kele jatqanyn aıǵaqtaıdy.
