Pavlodarda bıyl 183 sheteldik azamat el aýmaǵynan shyǵarylǵan

PAVLODAR. KAZINFORM - Polıtseıler jyl basynan sheteldikterge qatysty túrli quqyqbuzýshylyqtar boıynsha 2001 ákimshilik materıal toltyrǵan.

Pavlodar oblysynyń aýmaǵynda bıylǵy 11 aıda turaqty turýǵa ruqsaty bar 1280 jáne ýaqytsha turýǵa ruqsaty bar 9136 sheteldik tirkeldi.
Vıza alý nemese ýaqytsha ári turaqty turýǵa ruqsat berý úshin qujattardy qabyldaý barysynda jaýapty qyzmetkerler sheteldikterdiń Qazaqstan Respýblıkasynyń aýmaǵynda bolý zańdylyǵyn tekseredi.

- Mıgratsııalyq zańnamany buzý derekteri anyqtalǵan jaǵdaıda dereý tıisti sharalar qabyldanady. Atalǵan kezeń ishinde sheteldikterge qatysty túrli quqyqbuzýshylyqtar boıynsha 2001 ákimshilik materıal toltyrylǵan. Kóshi-qon zańnamasyn buzǵany úshin sot sheshimimen 183 sheteldik Qazaqstan Respýblıkasynyń aýmaǵynan shyǵaryldy, - dep habarlady óńirlik polıtsııa departamentinen.

Jyl basynan beri sheteldikterge 1293 vıza berilgen.

Eske sala keteıik, Almatydan deportatsııalanatyn sheteldikter sany jyl saıyn artyp keledi.