Pavlodarda bıiktigi úsh metr sáýkele men qamshy jasaldy
Ulttyq bas kıim ınstallıatsııasynyń avtory - Lebıaji aýdany mádenıet úıiniń meńgerýshisi Samat Momynjanov.
«Ulym ekeýmiz osyndaı týyndy jasaý týraly sheshim qabyldadyq, - deıdi ol. - Sáýkeleniń bıiktigi úsh metr bolsa, turǵyzylyǵan korpýsy eki metrdi quraıdy. Bas kıimdi bir apatanyń ishinde Janat Medenov jasap shyǵardy. Jalpy, ul men qyz ósirip otyrǵan árbir qazaqtyń otbasynda qamshy men sáýkele bolý kerek. Bul sáýkeleni jasardyń aldynda tarıhqa úńilip, biraz zertteýler júrgizdik. Mettal men aǵash, túrli oıýlar qoldanyldy».
Samat Momynjanov aldaǵy ýaqytta «Uly dala eli» festıvaline oraı jigitterge arnalǵan bórik jasap shyǵarý oıynda bar ekenin atap ótti.
«Sáýkele erte zamannan beri uzatylǵan qyzdardyń basyna kıgizilgen. Ásirese, aýqatty otabylardyń qyzdaryna óte qymbat buıymdarmen bezendirilip, asyl tastardan áshekeılengen túri taǵylǵan. Osy kúnge deıin sol ádet-ǵurpymen baılanystyryp, otbasyn quratyn boıjetkenderge sáýkele tigiledi. Sondyqtan keıingi urpaqqa osyndaı muralarymyz umytylmasyn degen maqsatpen jasap otyrmyz», - deıdi avtor.
Sonymen qatar, Pavlodar memlekettik pedagogıkalyq ýnıversıtetiniń stýdentteriniń qolymen jasalǵan bıiktigi - úsh metr, uzyndyǵy - alty metrden turatyn eń bıik ınstallıatsııa - qamshy kórsetildi.
