Pavlodarda betine oq tıgen áıel oqıǵa ornynda kóz jumdy
PAVLODAR. QazAqparat - Pavlodar turǵyny áıeldi atyp óltirdi, dep habarlaıdy QazAqparat.
Pavlodar oblystyq polıtsııa departamenti taratqan aqparatqa qaraǵanda 15 qańtar keshki 19:25 kezinde polıtsııaǵa shuǵyl habar túsken.
Onda Qamzın kóshesinde boıjetkenniń betine oq tıip, jaralanǵany aıtylady.
Oqıǵa ornyna kelgen tártip saqshylary er adamnyń tegis uńǵyly qarýdan áıelge oq atqanyn anyqtady. Jaralanǵan áıel sol jerde mert bolǵan.
Atalǵan fakti negizinde Qylmystyq kodekstiń 99-baby 2-bólimi boıynsha is qozǵaldy.
Kúdikti ustalyp, qarý tárkilendi. Oǵan qandaı bultartpaý sharasy qoldanylatyny sheshilip jatyr.
«Qylmystyq protsessýaldyq kodekstiń 201-babyna sáıkes budan basqa aqparat jarııalanbaıdy» dep málim etti polıtsııanyń baspasóz qyzmeti.
