Pavlodarda besinshi qabattan sekirmek bolǵan er adam qutqaryldy
PAVLODAR. QazAqparat - Pavlodarda er adam besinshi qabattyń terezesine shyǵyp sekirmek bolǵan, dep habarlaıdy pavlodarnews.kz.
Bul týraly oblystyq TJD órt sóndirý jáne avarııalyq qutqarý jumystary qyzmeti jedel qutqarý jasaǵy №1 qutqarý bólimshesiniń bastyǵy Serik Tólegenov málim etti. «Saǵat 17:53-te «112» pýltine Tolstoı kóshesi boıynda ornalasqan kóp qabatty úılerdiń birinde besinshi qabattaǵy páterdiń terezesinen er adamnyń sekirgeli turǵany týraly habar kelip tústi. Oqıǵa ornyna kezekshi aýysymnyń quramynda 4 qutqarýshy tez arada shyqty», - deıdi Serik Tólegenov.
Qutqarýshylar ony sózge tarta bastaǵannan keıin ǵana tynyshtalyp, baılanysqa shyǵa bastaǵan, biraq kireberis esikti ashpaı qoıǵan. Sol sátte ýchaskelik ınspektor sol páterdiń kiltteri bar týysyn izdep tapty. Er adam esikti ashýǵa bóget jasaý saldarynan esiktiń qulpy synyp, syrttan kiltpen ashý múmkin bolmady. Sondyqtan arnaıy qural-jabdyqtardyń kómegine júginýge týra keldi.
Er adam týystary men polıtsııa qyzmetkerlerine tapsyryldy.FOTO: pavlodarnews.kz
