Pavlodarda bes jasar bala ashyq turǵan terezeden qulap ketti
PAVLODAR. KAZINFORM - Jetkinshek kópqabattyń úıdiń ekinshi qabatynan qulaǵan. Dárigerler zardap shegýshini oblystyq balalar aýrýhanasynyń travmatologııa bólimshesine jatqyzdy.
Pavlodar qalasynda búgin keshkilik bes jasar qyz bala ashyq turǵan terezeden qulap ketken.
— 2020 jyly týǵan qyz bala turǵyn úıdiń ekinshi qabatyndaǵy ashyq turǵan terezeden abaısyzda qulap ketken. Asfaltti alańǵa arqasymen túsken. Jedel járdem brıgadasy zardap shekken balany oblystyq aýrýhanaǵa jetkizip, kezekshi hırýrg qarap shyqty. Zertteýler nátıjesinde keýde omyrtqalarynyń kompressııalyq synýy, quıymshaǵynyń kógerýi anyqtalǵan. Qyz travmatologııa bólimshesine jatqyzyldy. Qazirgi ýaqytta barlyq dıagnostıkalyq jáne emdeý is-sharalary kórsetilip jatyr, — dep habarlady oblystyq balalar aýrýhanasynyń baspasóz qyzmetinen.
Bala quqyqtary jónindegi óńirlik ýákil Sáýle Shákenovanyń aıtýynsha, bul jyl basynan balalardyń terezeden qulaýy boıynsha tórtinshi oqıǵa.
Eske sala keteıik, Pavlodarda besinshi qabattan 2 jasar bala qulap ketti.