Pavlodarda bes kólik soqtyǵysyp, bir júrgizýshi qaza tapty
PAVLODAR. QazAqparat - Keshe saǵat 21-de «Chevrolet Aveo» markaly kóliktiń júrgizýshisi baǵdarshamnyń tyıym salatyn belgisin elemeı, joldyń qarsy jolaǵyna shyǵyp kele jatyp, onda Toraıǵyrov kóshesimen shyǵystan batysqa qaraı bet alǵan «Mitsubishi Montero Sport», «Toyota Gaia», «Toyota Chaizer» jáne «Peugeot 308» markaly tórt kólikpen soqtyǵysty. Bul týraly oblystyq ІІD-niń baspasóz qyzmetinen habarlady.
Jol-kólik oqıǵasy saldarynan «Chevrolet Aveo» kóliginiń 1962 jylǵy júrgizýshisi qaza tapty.
Qalǵan jol-kólik oqıǵasynyń qatysýshylary dene jaraqattaryn alǵan joq, qalǵan kólik júrgizýshileri ishimdik ishpegendigi anyqtaldy. «Chevrolet Aveo» markaly kólik «Qalalyq kommýnaldyq sharýashylyq» MKK-nyń aıyppul turaǵyna qoıyldy.
Jol oqıǵa boıynsha QR QK-niń 345-babymen sot aldyndaǵy tergeý amaldary ótkizilýde, sot-medıtsınalyq saraptama taǵaıyndaldy.
