Pavlodarda bes qashyqtyqta ótetin báıgeniń júldesine eki kólik tigildi
PAVLODAR. QazAqparat - 11 tamyzda saǵat «Qulager» ıppodromynda saǵat 11.00-de Qurylysshylar kúnine arnalyp bes qashyqtyqtan at jarysy ótkiziledi, dep habarlaıdy pavlodarnews.kz.
Pavlodar oblysynyń ulttyq at túrleri sporty federatsııasy alaman báıge, toq báıge, qunan báıge, jorǵa jarysy, jorǵa báıge jáne kókpar uıymdastyrady.
Jarystardyń jeńimpazdary men júldegerlerine demeýshilerdiń qarajattary esebinen avtokólik jáne aqshalaı syılyqtar qarastyrylǵan. Bul kúni óńirdiń ártisteri, bıshileri jáne mýzykalyq ujymdary óner kórsetedi. «Jappaı» kókparǵa 50-den astam sportshy qatysady.
8 shaqyrymdyq qunan báıgeniń 1-orynǵa 1,2 mln teńge beriledi. 2,4 shaqyrymdyq ushqyr jarysynyń birinshi ornyna 1 mln teńge qarastyrylǵan. 14 shaqyrymdyq toq báıgeniń basty júldesi avtokólik, 2-oryn - 1 mln teńge.
10 shaqyrymdyq jorǵa jarysynyń bas júldesi 1,5 mln teńge. 26 shaqyrymdyq alaman báıgeniń basty júldesi «Nıva» avtokóligi, 2-orynǵa 1,5 mln, 3-orynǵa - 700 myń beriledi.
Alaman báıge men toq báıgede besinshi orynǵa sheıin júlde qarastyrylǵan.
