Pavlodarda benzın tıelgen kólikterden shyqqan órtti sóndirgender zardap shekti
PAVLODAR. QazAqparat - Pavlodarda bolǵan tótenshe oqıǵadan órt sóndirýshiler zardap shekti, dep habarlaıdy QazAqparat QR ІІM TJK resmı ókili Rýslan Imanqulovqa silteme jasap.
«20 maýsym kúni Pavlodar oblysynyń TJ departamentiniń qyzmetine saǵat 18.22-de qalanyń soltústik óndiristik aýmaǵynda ornalasqan júk kólikterine arnalǵan avtoturaqta benzın toltyrylǵan plastıkalyq ydystar tıelgen 2 Kamazdyń órtenip jatqany týraly aqparat túsken. Órt saǵat 19.15-de aýyzdyqtalyp, saǵat 20.23-de tolyq sóndirildi», - delingen habarlamada.
Órttiń qaýiptiligine qaramastan órt sóndirýshiler 1,5 saǵat boıy qaýipti seıiltý úshin kúresip, kásibılik kórsetti.
Alaıda, qyzmettik mindetterin atqarý barysynda oblystyq órt sóndirý qyzmetiniń eki qyzmetkeri Danııar Tuhtametov men Dıdar Rýstımov zardap shekti. Olardyń beti men qoldary kúıgen.
Qazirgi kezde oqıǵadan zardap shekken órt sóndirýshiler aýyrýhanada jatyr, jaǵdaılary qanaǵattanarlyq.
Aldyn ala boljamǵa qaraǵanda, órt jóndeý jumystaryn júrgizý kezinde qaýipsizdik talaptaryn saqtamaǵandyqtan shyqqan.
Jalyndy tolyq aýyzdyqtaýǵa 40 adam men 6 arnaıy tehnıka jumyldyryldy.
