Pavlodarda belgisiz bireýler tramvaıǵa oq atty
NUR-SULTAN. QazAqparat – Pavlodarda belgisiz bireýler tramvaıǵa oq atty. Oqıǵadan zardap shekkender joq, dep habarlaıdy pavlodarnews.kz.
Oblystyq polıtsııa departamentiniń baspasóz qyzmeti habarlaǵandaı, oqıǵa «Aımaýytov» jáne «Qamzın» aıaldamalarynyń aralyǵynda oryn alǵan. - 2019 jylǵy 25.10 saǵat 11:36-da «102» operator pýltine Lomov kóshesindegi «Aımaýytov» jáne «Qamzın» aıaldamalarynyń aralyǵynda №6 baǵyttaǵy Vorýshın kóshesine qaraı júrip kele jatqan aldynǵy tramvaı áınegine belgisiz adam pnevmatıkalyq qarýmen oq atqany týraly shaqyrtý kelip tústi, - dep habarlaıdy polıtsııa departamentiniń baspasóz qyzmeti.
Zardap shekkender joq. Osy fakti boıynsha tekseris júrgizilýde, saraptama taǵaıyndaldy.
Oqıǵa ornynda tergeý-jedel toby jumys isteýde.
