Pavlodarda belgisiz bireýler bank ishindegi bankomatty jaryp jiberdi
PAVLODAR. QazAqparat – Pavlodar oblysynda polıtsııa qyzmetkerleri bankomatty jaryp jibergen kúdiktilerdi izdestirýde, dep habarlaıdy QazAqparat polisia.kz saıtyna silteme jasap.
«27 aqpan kúni saǵat 22.33-te Aqsý qalalyq polıtsııa bóliminiń kezekshisine «Eýrazııalyq Bank» AQ-nyń kúzet qyzmetshisinen habarlama túsken. Ol qaladaǵy bank fılıaldarynyń birinde bankomatty jaryp jibergenin aıtqan. Zardap shekkender joq. Jedel-tergeý toby oqıǵa ornyn qorshaýǵa aldy. QR QK-niń 202- baby 2-bóligi («Ózgeniń múlkin órteý, jarý nemese ózge de qaýipti ádispen qasaqana joıý nemese zaqym keltirý») boıynsha sotqa deıingi tergeý bastaldy», - delingen aqparatta.
