Pavlodarda belgisiz bireý mektepterge jappaı «bomba qoıyp» shyqty

PAVLODAR. QazAqparat - Búgin Pavlodar oblysynda birneshe mektepke bomba qoıylǵany týraly habar tústi, dep habarlaıdy QazAqparat.

Oblystyq polıtsııa departamentiniń málimetinshe, 18 mamyr saǵat 19.10 shamasynda óńirdiń birneshe jalpy orta mektebiniń elektrondy poshtasyna hat kelgen.

Onda bilim ordasyna jarylǵysh qurylǵy qoıylǵany aıtylǵan.

«Oqý oryndarynyń ǵımaratynan adamdar evakýatsııalanǵan joq, sebebi sabaq ýaqyty aıaqtalǵan bolatyn. Mektepterdiń irgeles aımaǵy qorshalǵan. Oqıǵa ornynda jedel-tergeý toby jumys istep jatyr», – dep málim etti Pavlodar oblysy PD baspasóz qyzmeti.

Atalǵan fakti boıynsha Qazaqstan Respýblıkasy Qylmystyq kodekstiń 273-baby boıynsha sotqa deıingi tergeý bastaldy.

Sonymen qatar, polıtsııa departamenti kórineý jalǵan aqparat bergeni úshin qylmystyq jaýapkershilik qaralǵanyn eskertedi.