Pavlodarda belgisiz adam mektepte ballonnan suıyqtyq shashyp, 15 bala zardap shekti

ASTANA. QazAqparat – Pavlodardyń № 33 orta mektebinde bolǵan oqys oqıǵa týraly qalalyq tótenshe jaǵdaılar basqarmasy málim etti, dep habarlaıdy QazAqparat Pavlodarnews.kz saıtyna silteme jasap.

«23 qyrkúıek kúni saǵat 11:00 shamasynda Lenın kentinde Makarenko kóshesi, 14 mekenjaıyndaǵy №33 orta mektepte belgisiz bireý 2-qabattyń dálizine ballonnan buryshty suıyqtyq shashqan», - dedi basqarma basshysynyń orynbasary Tilekjan Gallıamov.

Oqıǵa ornynda eki jedel járdem kóligi, alty polıtsııa qyzmetkeri jáne Pavlodar qalasynyń tótenshe jaǵdaılar basqarmasy qyzmetkerleri jumys istedi. Mektep ǵımaratynan 672 oqýshy evakýatsııalandy. 15 bala oblystyq balalar aýrýhanasyna jetkizildi.

Oblystyq densaýlyq saqtaý basqarmasynyń málimetinshe, qazirgi ýaqytta balalar aýrýhanadan shyǵarylǵan.

«Barlyǵy – 4a jáne 4b-synyby oqýshylary. Aýyr jaǵdaıda túsken balalar bolǵan joq, oqýshylardy pedıatrlar qarap shyqty. Eki balaǵa ortasha aýyrlyqtaǵy ýlaný dıagnozy belgilenip, aýrýhanaǵa jatqyzý usynyldy, em taǵaıyndaldy, sıstema qoıyldy. Degenmen, jaǵdaılary jaqsy bolǵan soń ata-analary aýrýhanaǵa jatqyzýdan bas tartty», - deıdi basqarmadan.

Keıbir balalarda jeńil dárejede ýlaný belgileri baıqalsa, endi birinde eshqandaı belgiler bolmaǵan.

Foto: pavlodarnews.kz