Pavlodarda beldik taqpaǵan 7 myńnan astam júrgizýshi jaýapqa tartyldy

PAVLODAR. KAZINFORM - Ertis-Baıan óńirinde qaýipsizdik belbeýin taqpaıtyn júrgizýshiler qatary azaıar emes. Jyl basynan polıtseıler 7421 turǵyndy ákimshilik jaýapkershilikke tartty.

- Jyl basynan beri Pavlodar oblysynyń polıtseıleri qaýipsizdik beldigin elemegen 7,5 myńǵa jýyq júrgizýshini jaýapkershilikke tartty. Mysaly, polıtsııa qyzmetkerleri Lermontov kóshesinde patrýldeý kezinde "Toıota" markaly avtokóligin toqtatty. Kólik júrgizýshisi qaýipsizdik beldigin taqpaǵan. Er adam ákimshilik jaýapkershilikke tartylyp, 5 aılyq eseptik kórsetkish mólsherinde aıyppul salyndy, - dep habarlady Pavlodar oblysy polıtsııa departamentinen.

Statıstıkalyq derekter qaýipsizdik beldikterin paıdalaný jol oqıǵalarynyń 70%-ynda jaraqattanýdan saqtaıtynyn kórsetip otyr.

Eske sala keteıik, Pavlodarda jylqymen soqtyǵysqan kólik júrgizýshisi kóz jumǵanyn jazǵan edik.