Pavlodarda báıgeden el chempıonaty ótedi
PAVLODAR. QazAqparat - Pavlodarda báıgeden Qazaqstan chempıonaty ótedi, dep habarlaıdy QazAqparat Pavlodarnews.kz saıtyna silteme jasap.
«Jarysqa elimizdiń ár óńirinen júırikter qatysady. Júldeli bolǵan tulparlardyń bapkerlerine aqshalaı syılyqtar beriledi. Sondaı-aq kórermender arasynda tegin utys oıyny oınatylady. Onda teledıdar, telefondar, shańsorǵysh, smart-saǵat, mýltıvarka, planshet, velosıped jáne ózge de turmystyq tehnıkalar oınatylady», - delingen Pavlodar qalalyq deneshynyqtyrý jáne sport bóliminiń habarlamasynda.
Týrnır úsh qashyqtyq boıynsha ótedi: 24 shaqyrymǵa alaman báıge, 11 shaqyrymǵa qunan báıge jáne 17 shaqyrymǵa top báıge.
Bastalýy – 3 qyrkúıek, saǵat 12.00-de «Qulager» ıppodromynda.
Kórermender úshin kirý tegin.
Foto: pavlodarnews.kz
