Pavlodarda baspanaǵa kezekte turǵan 700-den astam adam tizimnen shyǵaryldy
PAVLODAR. QazAqparat - Oblys ortalyǵynda múlikti túgendeý júrgizý barysynda memlekettik turǵyn úı qorynan baspana alý úshin kezekte turǵan 767 adam tizimnen alynyp tastaǵan. Bul týraly qalalyq qarjy bóliminiń basshysy Álııa Qajybaeva aıtty, dep habarlaıdy pavlodarnews.kz.
«Jyl saıyn jeltoqsan aıynan sáýirge deıin túgendeý júrgiziledi. Páter alý úshin kezekte turǵan ár adam boıynsha ókiletti organǵa saýal joldanady. ıAǵnı, baspananyń bar-joǵy anyqtalady. Eger Pavlodarda turmasa nemese páter alǵan jaǵdaıda kezekten alynyp tastalady. Birinshi jartyjyldyń qorytyndysy boıynsha tuǵyn úı komıssııasy túgendeý tizimin bekitip, saıttarǵa ornalastyrady. Búginge deıin kezektiń ózgerýi týraly shaǵym túsken joq»,-deıdi Álııa Qajybaeva.
Qazirgi tańda memlekettik turǵyn úı qorynan baspana alý úshin kezekte 16012 adam tur. Onyń ishinde 2184-i ata-anasynyń qamqorlyǵynan aıyrylǵan, 4086-sy tolyq emes otbasy, 330 kópbalaly otbasy, 1137-si І, ІІ toptaǵy múmkindigi shekteýli jan, 449-y jarymjan bala tárbıelep otyrǵan otbasy, 728-i zeınetker, 198-i aýyr dertke shaldyqqan, 151-i maıdangerlerge teńestirilgen, 2261-i memlekettik qyzmetshi, 438-i áskerı qyzmetshi jáne 31-i turǵyn úıler apattyq jaǵdaıda dep tanylǵan.
Bólim basshysynyń aıtýynsha, 2018 jyly shilde aıynda áleýmettik álsiz topqa jatatyn turǵyndarǵa satyp alý quqyǵynsyz 72 páterden turatyn Lomov kóshesi, 154/4 mekenjaıy boıynsha turǵyn úı tapsyrylǵan. Baspanaly bolǵandardyń ishinde bir Ekinshi dúnıejúzilik soǵys ardageri, bir «Altyn alqa» ıegeri, 15 jetim, 55 áleýmettik álsiz toptaǵy adam bar. Jyldyń sońyna deıin «Turǵyn úı qurylys jınaq banki» AQ arqyly alty ıpotekalyq turǵyn úı qoldanysqa engiziledi.
