Pavlodarda baspana izdegen sheteldikterdiń sany artty
Bul jaıly Óńirlik kommýnıkatsııalar qyzmetinde ótken baspasóz konferentsııasynda Pavlodar oblysy jumyspen qamtýdy úılestirý jáne áleýmettik baǵdarlamalar basqarmanyń basshysy Almıra Dısıýpova málim etti.
«Jıyrma jetinshi qańtardan bastap Eýrazııa ekonomıkalyq odaqqa kiretin memleketterdiń azamattary úshin Qazaqstan respýblıkasynda bolý merzimin shekteýdi kózdeıtin ózgerister kúshine endi», — dedi spıker.
Onyń aıtýynsha, sheteldikter úshin ár alty aı ishinde 90 kúndik lımıt belgilendi.
Buǵan deıin mundaı zańnama rettelmeı, EEO elderiniń azamattary tirkeý rásimderin aınalyp ótip, ár 90 kún saıyn shyǵyp-kirip júrip, Qazaqstanda turaqty bolý múmkindigine ıe bolatyn.
Almıra Dısıýpova sheteldikterdiń kóp kelýine qaramastan, ýaqytsha tirkelgenderdiń sany jyl saıyn azaıyp jatqanyn atap ótti. 2022 jyly olardyń sany 12% -ǵa tómendedi.
Sonymen qatar Pavlodar oblysyna Ýkraına, Reseı men Germanııa elderiniń azamattarynyń jıi kelýi baıqalady, biraq ázirge eshkim bosqyn mártebesin alǵan emes.
Óz aýmaǵynda júrgizilip jatqan soǵysqa baılanysty óz elinen ketken azamattar bosqyndar dep sanalady. Biraq Reseı men Ýkraına arasyndaǵy áskerı qaqtyǵysta Qazaqstan beıtarap ustanymǵa ıe bolǵandyqtan, bul elderdiń azamattary baspana izdeýshiler arasyna kiredi.
