Pavlodarda básekelestik zańyn buzǵan kondıterlik kompanııa qomaqty aıyppul arqalady

PAVLODAR. KAZINFORM — «KDV Qazaqstan» JShS básekelestik týraly zańnama talaptaryn óreskel buzǵan. Ónimdi óz kontragentterine árkelki baǵamen satqan. 

Básekelestikti qorǵaý jáne damytý agenttiginiń Pavlodar oblysy boıynsha departamenti «KDV Qazaqstan» JShS-ne (brendteri: ıAshkıno, O’3era jáne t. b.) qatysty tergep-tekserýdi aıaqtady.

— Tekserý barysynda departament mamandary kompanııanyń ártúrli kontragentterge birdeı taýarǵa túrli sharttar men árkelki baǵalar qoldanǵanyn anyqtady. Kompanııa bir kásipkerge jeńildikter men arnaıy sharttar usynsa, ekinshi kásipkerge dál sol ónimdi mundaı eshbir jeńildiksiz satqan. Bul — domınant sýbektiler úshin zańmen qatań tyıym salynatyn áreket, óıtkeni olar naryqtaǵy barlyq sýbektige teń jaǵdaı usynýǵa mindetti. Іs materıaldary belgilengen tártipte qaraý úshin sotqa joldandy, — dep habarlady departamentten.

Atap óterligi, tekserý kásiporynnyń óńirde ornalasqan óndiristik tsehynda júrgizilgen. Mamandar kompanııa usynǵan kelisimsharttardy zerdelep, kelisimder jasasý kezinde sharttardyń birkelki saqtalmaǵanyn dáleldeıtin faktilerdi anyqtaǵan. Bul departament júrgizgen mundaı sıpattaǵy alǵashqy nátıjeli tekserýlerdiń biri bolǵan.

Sot sheshimimen «KDV Qazaqstan» JShS ákimshilik jaýapkershilikke tartylyp, 24 mln teńge mólsherinde aıyppul salyndy

Eske sala keteıik, qazaqstandyq bankke básekelestik zańyn buzdy degen aıyp taǵyldy.