Pavlodarda barlyq ǵımarattar ortalyq jylýǵa qosyldy

PAVLODAR. KAZINFORM — Jylý maýsymy bastalǵaly tutynýshylardan 150-den astam ótinishter men shaǵymdar kelip túsken. Olardyń 99%-y qazirgi kúni tolyqtaı sheshimin tapty.

Energetıka mınıstrliginiń «Atom jáne energetıkalyq qadaǵalaý men baqylaý komıteti» «Pavlodarenergo» aktsıonerlik qoǵamyna arnaıy daıyndyq pasportyn tabystady. Bul qujat JEO-lardyń aldaǵy qysqa tolyq ázir ekenin rastaıdy. Jylytý maýsymy bastalar aldynda arnaıy komıssııa da tekseris júrgizgen.

Qazir oblys ortalyǵyndaǵy barlyq 305 áleýmettik nysan jáne 1338 kópqabatty turǵyn úı jylý júıesine qosylǵan. Al jeke sektordaǵy baspanalardyń 99%-y jylýmen qamtylǵan.

— Qala boıynsha jylýmen jáne ystyq sýmen jabdyqtaý kezeńinde 223 zaqym anyqtaldy. Qysqa merzimde olardyń barlyǵy joıyldy, — dep habarlady Pavlodar qalasy ákiminiń orynbasary Ánýarbek Amanov.

Buǵan deıin Pavlodar qalasynda áleýmettik mekemeler 10 qyrkúıekten bastap ortalyq jylý kózine qosyla bastaǵanyn habarlaǵanbyz. 

Al 22 qyrkúıekten bastap oblys ortalyǵyndaǵy kópqabatty turǵyn úılerdi ortalyq jylý júıesine kezeń-kezeńimen qosý bastaldy. 

Al qazan aıynyń alǵashqy kúnderi Pavlodar turǵyndary jylý jetispeýshiligine shaǵymdanǵanyn jazǵanbyz.