Pavlodarda bar kúzetshileri monıtorıngtik top múshelerine kúsh kórsetken
Ótken demalys 5-6 qyrkúıek kúnderi monıtorıngtik top shaǵyn jáne orta bıznestiń 28 nysanynda sanıtarlyq-epıdemıologııalyq normalardyń saqtalýyn tekserdi
Qala ákimi baspasóz qyzmetiniń málimetinshe, tekserý nátıjesinde 5 qoǵamdyq tamaqtaný ornynda atalmysh normalardy buzý faktileri anyqtaldy.
«Máselen, «Faraon» meıramhanasynda ústelderde alty adamnan artyq otyrdy. «Progress» meıramhanasynda sanıtarlyq dárigerdiń qaýlysyna sáıkes tyıym salynǵan is-sharanyń ótkizilip jatqany tirkeldi. Sondaı-aq, buzýshylyqtar «Gogol» jáne «Garage» gastro-barynda tirkeldi. «Major» laýndj-bary «Asyq» júıesi boıynsha jumys jasamaǵan, sondaı-aq, mekeme belgilengen ýaqyttan keıin de jumysyn jalǵastyrǵan jáne kelýshilerdiń sany shamadan tys artyq bolǵan», - dedi baspasóz qyzmetinde.
Sonymen qatar, mekeme qyzmetkerleri monıtorıngtik top múshelerine qarsylyq kórsetip, laýndj-bar kúzetshileri qyzmettik mindetterin oryndaý kezinde monıtorıngtik top múshelerine kúsh kórsetken.
Nátıjesinde quqyq buzýshylyqtyń barlyq qatysýshylary is júrgizý sharalaryn qabyldaý úshin Ońtústik polıtsııa bólimine jetkizildi. Qazir tergeý sharalary júrgizilýde.
Pavlodarda monıtorıngtik toptardyń jumysy jalǵasyn tabatyn bolady. Barlyq tirkelgen faktiler boıynsha materıaldar protsessýaldyq sheshim qabyldaý úshin berildi.
