Pavlodarda bank qyzmetkerleri nesıeni bıometrııalyq sáıkestendirýsiz bergen

PAVLODAR. KAZINFORM — Pavlodar polıtsııasy jergilikti qarjy uıymdarynda ókilettikterdi teris paıdalaný derekteri boıynsha qylmystyq ister qozǵaldy.

Telefon arqyly jasalatyn alaıaqtyq áreketteriniń jıileýine jáne zardap shegýshilerdiń atyna nesıeler resimdelýine baılanysty derekterdi teksere kele, tártip saqshylary birqatar bank qyzmetkerlerine qatysty qylmystyq is qozǵady. Kúdiktiler óz ókilettikterin asyra paıdalanǵan.

- Mysaly, ekinshi deńgeıli bankter men mıkroqarjy uıymdarynyń qyzmetkerleri óz mindetterin josyqsyz oryndaǵan, ıaǵnı jábirlenýshilerdiń tulǵasyn bıometrııalyq sáıkestendirýsiz nesıe bergen. Polıtsııa qajetti tergeý áreketterin júrgizedi. Tergeý jalǵasýda. Jyl basynan beri óńirde 173 alaıaqtyq deregi tirkeldi, onyń 126 - sy aqparattyq tehnologııalar salasyna qatysty, - dep habarlady Pavlodar oblysy polıtsııa departamentiniń baspasóz qyzmetinen.

Eske sala keteıik, SQO-da alaıaq 16 epızod boıynsha sottaldy.