Pavlodarda balkonda káýap pisirgen turǵyn jazalandy

PAVLODAR. QazAqparat - Pavlodar qalasynda balkonda káýap pisirgen turǵyn jazaǵa tartyldy, dep jazady Polisia.kz.

Turǵyn óz áreketin telefonǵa túsirip, áleýmettik jelide jarııalaǵan. Ýchaskelik polıtsııa ınspektorlary ol adamdy tez anyqtady.

Ol Nazarbaev kóshesindegi kópqabatty úıdiń turǵyny bolyp shyqty. Balkonda ot jaǵyp, káýap pisirgeni – órt qaýipsizdigi erejelerine qaıshy kelip, basqa turǵyndardyń ómirine qaýip tóndirdi.

Pavlodar qalasy tótenshe jaǵdaılar basqarmasynyń qyzmetkerleri kebab unatatyn adamdy QR ÁQBtK 410 baby (órt qaýipsizdigi talaptaryn buzǵany nemese saqtamaǵany úshin) boıynsha ákimshilik jaýapqa tartty.

Polıtsııa qyzmetkerleri turǵyndardy órt qaýipsizdigi týraly umytpaı, óz áreketterińizben ózińizge jáne basqalarǵa qaýip tóndirmeýdi eskertedi.