Pavlodarda balkon arqyly úıine kirmek bolǵan er adam ajal qushty
PAVLODAR. QazAqparat - Pavlodarda er adam bıik úıden qulap, mert boldy. Bul týraly kýágerler Instagram-daǵy @tipavlo paraqshasynda jazdy, dep habarlaıdy pavlodarnews.kz.
Oblystyq ІІD málimdeýinshe, búgin saǵat 15:00 shamasynda Maıra kóshesi 49 úı mekenjaıynda 10-qabattan qulaǵan 32 jastaǵy er adamnyń denesi tabylǵan.
«Jedel járdem oqıǵa orynyna kelip bıologııalyq ólimdi anyqtaǵan. Er adam óte aýyr jaraqat saldarynan kóz jumǵan», - dedi oblystyq densaýlyq saqtaý departamentiniń baspasóz hatshysy Elmıra Temirǵalıeva.
Kýágerlerdiń aıtýynsha, kóz jumǵan adam shatyrdan balkon arqyly úıine kirmek bolǵan.
