Pavlodarda balanyń týý týraly kýáligi segiz jyldan keıin berildi
ASTANA. QazAqparat - Pavlodar qalalyq sotynda qala turǵynynyń ótinishi boıynsha balasynyń dúnıege kelýin rastaý týraly is qaraldy, dep habarlaıdy pavlodarnews.kz .
Іs materıalyna súıensek, aryzdanýshy 2009 jyly 29-qyrkúıekte úıinde bosanyp, dúnıege sábı ákelgen. Alaıda dárigerler balanyń týý týraly kýáligi bolmaýyna baılanysty medıtsınalyq kómek kórsetýden bas tartqan. Balasynyń týý týraly anyqtamasy joqtyǵy saldarynan azamattardyń aktilerin tirkeý jaǵdaıy organdary týý týraly kýálik berýden bas tartqan. Nátıjesinde ol shynymen de bıologııalyq anasy ekenin dáleldeý úshin genetıkalyq saraptama jasatyp, sot arqyly kámeletke tolmaǵan balanyń dúnıege kelý faktisi rastalǵan.
«Endi resmı túrde tegi men aty-jóni, týǵan aıy, kúni, jyly jazylǵan kýáligi bar bala óz quqyqtaryn paıdalana alady», - deıdi baspasóz qyzmetinde.
