Pavlodarda balanyń kesirinen páterden órt shyqty
PAVLODAR. QazAqparat – Páterden shyqqan órt saldarynan turǵyn úıdiń 32 turǵyny evakýatsııalandy, dep habarlaıdy QazAqparat tilshisi.
«7 qarasha saǵat 17:44-te Lomov kóshesi, 135-úıde órt shyqqany týraly habar tústi. Úsh bólmeli úıdiń jatyn bólmesinde 4 sharshy metr aýmaqty qamtyǵan jıhaz, úı zattary janǵan», - dedi jýrnalısterge Pavlodar oblystyq tótenshe jaǵdaılar departamentiniń baspasóz qyzmetinen.
Órt sóndirýshiler kelgenge deıin 32 adam, sonyń ishinde 7 bala ózderi evakýatsııalanǵan. Qutqarýshylar alpınıstik quraldyń kómegimen jetinshi qabattan tórtinshi qabatqa tómen túsip, órtke oranǵan páterge kirdi. Onda eshqandaı adam bolmaǵan.
«Órt 18:41-de aýyzdyqtaldy. Órt shyǵý sebebi – balanyń is-áreketimen baılanysty. Keltirilgen zaqym anyqtalyp jatyr», - dedi TJD-dan.
Oqıǵa ornyna 8 kólikpen 29 maman bardy. Eshkim zardap shekken joq.
