Pavlodarda balalardyń úı jaǵdaıynda jaraqat alý derekteri azaıǵan
PAVLODAR. KAZINFORM - Óńirlik jedel járdem brıgadalary jyldyń alǵashqy úsh aıynda balalar jaraqatyna baılanysty shaqyrtýlarǵa 902 ret shyqqan. Bul ótken jyldyń osy kezeńimen salystyrǵanda 7%-ǵa az.
Oblystyq jedel járdem stansasynyń aqparatynsha, balalardyń úı jaǵdaıynda jaraqat alýyna kóbine ata-analardyń baqylaýsyz qaldyrýy sebep.
- Balalardyń jaraqat alýy negizinen úıde tirkeledi. Jyl basynan turmystyq jaraqattar boıynsha 381 shaqyrtý tirkelgen, bul jalpy jaǵdaılardyń 42%-dan astamyn qurap otyr. ıAǵnı abaısyzda dene bóligin ótkir zatpen kesip alý, jıhazdan qulaý jáne páter ishindegi basqa da oqys jaǵdaılar kiredi. Barlyq oqıǵanyń 21%-dan astamy kúıik pen ýlanýǵa qatysty, - dep habarlady jedel járdem stansasynan.
Dárigerlerdiń aıtýynsha, mundaı oqıǵalardyń basym bóliginiń aldyn alýǵa bolady. Ol úshin balalardy qaraýsyz qaldyrmaý jáne turmystyq hımııa men qaýipti zattardy qol jetpeıtin jerde saqtaý qajet.
Atap óterligi, óńirde jol-kólik oqıǵalarynan zardap shekken balalar sany eki esege jýyq azaıǵan (48-den 27 jaǵdaıǵa tómendegen). Sondaı-aq aýyr úsik shalý jaǵdaılary, kúıik alý da azaıyp keledi.
Eske sala keteıik, Qazaqstanda 150 balaǵa arnalǵan táýlik boıy reabılıtatsııa maýsymy bastaldy.
