Pavlodarda balalar jol apatyna jıi ushyrap jatyr
PAVLODAR. KAZINFORM - Óńirde jalpy jol erejelerin buzý derekteri 30 % kóbeıgen. 2025 jyly osy ýaqytta 83 myń 466 derek tirkelse, jyl basynan 109 996 anyqtalǵan. Velosıped jáne moped júrgizýshilerine qatysty jol-kólik oqıǵalary jıilep otyr.
Aımaqta jol-kólik oqıǵalarynyń 79,5 %-y Pavlodar, Ekibastuz, Aqsý qalalarynda tirkelgen. Mamandardy balalardyń jol-kólik apatyna jıi ushyraýy alańdatyp otyr.
- Kámeletke tolmaǵandarǵa qatysty jaǵdaılar 29,1 %-ǵa, apat saldarynan kóz jumǵandar 33,3 %-ǵa, al zardap shekkender 21,2 %-ǵa ósken. Máselen, bıyl 121 bala jol-kólik oqıǵasynda zardap shekken. Olardyń 67-si kólik ishinde bolsa, 55 jetkinshekti jaıaý júrginshiler jolaǵymen jáne ruqsat etilmegen jerden joldy kesip ótý kezinde kólik soqqan. 7 bala moped jáne elektr samokatpen júrgende jol-kólik oqıǵasyna tap bolǵan, - dep habarlady Pavlodar oblysy ákimdiginen.
Quzyrly organdar ata-analar men kólik júrgizýshilerdi tártipke shaqyryp otyr. Polıtseılerge moped jáne velosıped júrgizýshileriniń zańnamany saqtaýyn qadaǵalaýdy kúsheıtý júkteldi.
Eske sala keteıik, Astana-Pavlodar jolynda kólik apatyna túsken jas jigit eki aıaǵynan aıyryldy.
