Pavlodarda balalar men jastar sport klýby ashyldy
PAVLODAR. 13 aqpan. QazAqparat - Pavlodardyń birinshi shaǵynaýdanynda búgin «Ertis» atty balalar men jastar sport klýbynyń saltanatty ashylý rásimi boldy,
dep habarlady qala ákiminiń baspasóz qyzmetinen.
Bul qýanyshty oqıǵamen oblys ákimi Erlan Aryn quttyqtap, óz syılyǵyn - boksshylarǵa arnalǵan kıimderdi tabystady, QR eńbegi sińgen jattyqtyrýshysy Rafael Vahıtov ta olardyń sportta jetistikterge jetýine tilegin bildirdi.
Birinshi shaǵynaýdannyń jasóspirimderinde búginde tańdaý úlken - klýbta boks jáne ústel tennısi, fýtbol, voleıbol, basketbol, hokkeı sektsııalary ashyldy.
«5-29 jas aralyǵyndaǵy azamattar úshin barlyq úıirmeler tegin, olardy aımaqtaǵy tanymal jattyqtyrýshylar júrgizedi. Kóktemde abattandyrýmen, shaǵyn fýtbol alańyn, voleıbol, basketbol jáne hokkeıge arnalǵan alańdardy qurýǵa kirisemiz», - dep atap ótti «Balalar men jasóspirimder sportynyń ortalyǵy» MKQK-nyń basshysy Erkin Mákishev.
